چودھری شجاعت حسین کی طبعیت بہتر، ہسپتال سے ڈسچارج کر دیا گیا۔

چوھدری شجاعت حسین کو ہسپتال سے ڈسچارج کر دیا گیا۔ چودھری شجاعت حسین کو 6 نومبر جمعہ کو سروسز ہسپتال لایا گیا تھا۔ ڈاکٹر امجد نے چند گھنٹے قبل چودھری حسین کو ڈسچارج کرنے کا اعلان کیا تھا۔ ڈاکٹروں نے چودھری شجاعت حسین کی صحت کو تسلی بخش قرار دیا۔صدر مملکت ڈاکٹر عارف علوی نے سروسز ہسپتال میں چودھری شجاعت حسین کی عیادت اور خیریت دریافت کی۔ صدر مملکت کا کہنا تھا کہ چودھری شجاعت حسین کی عیادت کیلئے آیا ہوں۔ وہ انتہائی ملنسار اور سیاست میں اپنام مقام رکھتے ہیں۔اس سے قبل میڈیا سے گفتگو کرتے ہوئے پرنسپل سمز پروفیسر امجد کا کہنا تھا کہ چوہدری شجاعت حسین کی پانچ، چھ دن سے طبعیت بہتر ہے، آج ان کو ڈسچارج کر رہے ہیں۔

پروفیسر امجد نے کہا کہ چوہدری شجاعت حسین کے سانس کا مسئلہ کلئیر ہو گیا ہے۔ انہیں نمونیہ کی وجہ سے سانس کا مسئلہ ہوا تھا۔ تازہ ایکسرے میں دیکھا گیا ہے کہ نمونیا ایسے غائب ہو گیا جیسے تھا ہی نہیں۔انہوں نے کہا کہ چوہدری شجاعت حسین کو آکسیجن ماسک کی سپورٹ کی ضرورت نہیں۔ اس ہسپتال میں دو ماہ کے اندر ہر مریض کے لئے بالکل مفت دوائی مہیا کی جائے گی۔ سروسز ہسپتال کو سٹیٹ آف دی آرٹ ہسپتال بنائیں گے۔