پاکستان انٹرنیشنل پریس ایجنسی

ریلوے کالونیوں میں بجلی میٹرنہ ہونے سے قومی خزانے کو سالانہ ڈھائی ارب روپے کا نقصان

اسلام آباد : وزیراعظم عمران خان نے ریلوے کالونیوں میں 25 ہزار بجلی کے میٹر ہنگامی طور پر لگانے کا حکم دے دیا، وزیراعظم نے بجلی میٹر کے معاملے کی مانیٹرنگ کیلئے کوآرڈی نیشن کمیٹی قائم کرتے ہوئے ہدایت کی کہ ریلوے رہائشی کالونیوں میں آج سے میٹروں کی تنصیب شروع کریں اور یہ عمل 4 ماہ میں مکمل کیا جائے۔

وزیراعظم عمران خان نے کہا کہ قومی خزانےکی ایک ایک پائی قوم کی امانت ہے اور اسے امانت سمجھ کے ہی خرچ کریں گے، قومی خزانے کو نقصان پہنچانے والے رعایت کےمستحق نہیں۔

وزیر ریلوےاعظم سواتی نے وزیراعظم کو رپورٹ پیش کی جس کے مطابق ریلوے کالونیوں میں بجلی میٹرنہ ہونے پر سالانہ ڈھائی ارب روپے کا نقصان ہوا، ریلوے ملازمین سالہا سال سے بجلی استعمال کرتےرہے جس کا مالی بوجھ محکمہ ریلوے پر پڑا، اس نقصان میں واپڈا اور ریلوے حکام کی ملی بھگت نکلی۔

Leave A Reply

Your email address will not be published.