پاکستان انٹرنیشنل پریس ایجنسی

پاکستان، ترکی اور آذربائیجان کے وزرائے خارجہ کا دوسرا سہ فریقی اجلاس بدھ کو اسلام آباد میں ہوگا

اسلام آباد پاکستان، ترکی اور آذربائیجان کے وزرائے خارجہ کا دوسرا سہ فریقی اجلاس بدھ کو اسلام آباد میں ہوگا جس میں عالمی علاقائی امور اور باہمی دلچسپی کے تمام شعبوں میں تعاون بڑھانے کے امکانات پر تبادلہ خیال کیا جائیگادفتر خارجہ کے مطابق پہلا سہ فریقی اجلاس نومبر 2017ء میں آذربائیجان کے دارالحکومت باکو میں ہوا تھا۔ تینوں فریق علاقائی امن وسلامتی کو درپیش نئے اور ابھرتے ہوئے خطرات، کورونا کی وبا کے باعث پیدا ہونے والے چیلنجز سے نمٹنے، ماحول، موسمیاتی تبدیلی اور اقتصادی ترقیاتی اہداف کے حصول سمیت عالمی وعلاقائی امور پر تبادلہ خیال کرینگے تینوں وزرائے خارجہ امن وسلامتی، تجارت اور سرمایہ کاری، سائنس وٹیکنالوجی، تعلیم اور ثقافتی تعاون سمیت باہمی دلچسپی کے تمام شعبوں میں سہ فریقی تعاون مزید بڑھانے کے امکانات بھی تلاش کریںگے پاکستان، آذربائیجان اور ترکی کے درمیان مشترکہ مذہب، اقدار، ثقافت اور تاریخ پر مبنی برادرانہ تعلقات ہیں جو اعتماد اور ہم آہنگی کے رشتے میں جڑے ہیں۔

Leave A Reply

Your email address will not be published.