ایشین گیمز کرکٹ شیڈول ایشین گیمز کرکٹ: پاکستان ویمنز کا پہلا میچ 17 ستمبر کو تھائی لینڈ سے ہوگا

اسلام آباد (پی پی اے) ایشین کرکٹ کونسل نے ایشین گیمز 2026 میں ہونے والے مردوں اور خواتین کے کرکٹ مقابلوں کا شیڈول جاری کردیا ہے پاکستان ویمنز کرکٹ ٹیم ایونٹ میں اپنا پہلا میچ 17 ستمبر کو تھائی لینڈ کے خلاف کھیلے گی۔ خواتین کے مقابلوں کے سیمی فائنلز 20 ستمبر کو ہوں گے، جبکہ فائنل اور تیسری پوزیشن کا میچ 22 ستمبر کو کھیلا جائے گا۔ مردوں کے کرکٹ مقابلوں کا والیفائنگ راؤنڈ 24 سے 26 ستمبر تک ہوگا۔ پاکستان، بھارت، بنگلادیش اور سری لنکا کو سیڈڈ ٹیموں میں شامل کیا گیا ہے جو براہِ راست کوارٹر فائنل میں ایکشن میں آئیں گی۔ پاکستان مینز ٹیم 28 ستمبر کو گروپ بی میں دوسری پوزیشن حاصل کرنے والی ٹیم کے خلاف کوارٹر فائنل کھیلے گی، جبکہ دونوں سیمی فائنلز یکم اکتوبر کو ہوں گے۔ مردوں کا فائنل 3 اکتوبر کو کھیلا جائے گا۔ ایشین گیمز 2026 میں کرکٹ کے مقابلے 17 ستمبر سے 3 اکتوبر تک ہوں گے، جبکہ ایشین گیمز مجموعی طور پر جاپان کے شہر آئچی ناگویا میں 19 ستمبر سے 4 اکتوبر تک منعقد ہوں گے۔ پاکستان مینز اسکواڈ: صاحبزادہ فرحان (کپتان)، عبدالصمد (نائب کپتان)، ابرار احمد، احمد دانیال، عاکف جاوید، علی رضا، عرفات منہاس، حیدر علی، حسن نواز، معاذ صداقت، محمد سلمان مرزا، سعد مسعود، صائم ایوب، سفیان مقیم اور عثمان خان (وکٹ کیپر)۔ 23 لفظوں سے کم سرخی بنائیں تاریخیں یکساں انداز میں لکھیں